Ang Simbahan ni Jesucristo ng mga Banal sa mga Huling Araw
Kami ay mga miyembro ng Ang Simbahan ni Jesucristo ng mga Banal sa mga Huling Araw, o mga Banal sa mga Huling Araw sa maikling salita. Kami ay mga kapitbahay, kaibigan, at kapamilya mo—isang komunidad ng mga nananalig na nagsisikap na maging mas mabuti bawat araw sa tulong ni Jesucristo. At sa 16 na milyon sa amin sa 30,000 kongregasyon sa 160 bansa, may puwang para sa sinumang nais magmahal, matuto, at maglingkod na kasama namin.
Ang hangaring maglingkod sa iba ay isa lamang sa mga pagkakatulad ng mga Banal sa mga Huling Araw sa iba pang mga Kristiyano. Naniniwala rin kami na ang pagdarasal sa Diyos ay maaaring magpahilom sa mga buhay at matutulungan tayong makahanap ng mga sagot, at mahal at itinatangi namin ang salita ng Diyos. Pero higit sa lahat, naniniwala kami na maaari tayong mamuhay nang mas maligaya at mas matagumpay sa buhay sa pamamagitan ng pagsunod sa mga turo ni Jesucristo.
Kaya ng Diyos na gawin kang mas mabuting tao—at kaya mong gawin kaming mas mabuting simbahan. Sumali sa amin sa pagsamba kay Jesus at subukang ipamuhay ang kanyang mga turo.
1:05
Isipin kung ang simbahan ay hindi limitado sa mga nangyayari sa loob ng isang gusali at binibigyang-inspirasyon tayo araw-araw.
1:04
Malamang ay mas marami tayong pagkakatulad kaysa inaakala mo. Maghanda ka, dahil maririnig mo nang napakabilis ang marami sa kanilang mga paniniwala.
Si Jesucristo ang ating Tagapagligtas. Dahil sa Kanya, maaari tayong magpakabuti at muli nating makakapiling ang Diyos. Ipinagdiriwang namin ang Kanyang buhay at Pagkabuhay na Mag-uli at inaanyahan ang lahat na ibahagi ang Kanyang kuwentong puno ng mga himala.
Ang Aklat ni Mormon ay isang aklat ng banal na kasulatan na nagtuturo tungkol kay Jesucristo at nagkukuwento tungkol sa Kanyang pagbisita sa sinaunang mga lupain ng Amerika.
Ang Banal na Biblia ay isang sagradong aklat na naglalaman ng salita ng Diyos. Ipinopropesiya nito ang pagparito ni Jesucristo at inilalarawan ang Kanyang buhay, misyon, at sagradong papel bilang Anak ng Diyos at Tagapagligtas ng sanlibutan.
Dahil sa Kanya, maaari kang magpakabuti at muli mong makakapiling ang Diyos.
1:29
Sa madaling salita, ganito kami. Kung gusto mong malaman ang iba pa, siyasatin ang aming mga paniniwala rito o sa mga video sa itaas. At kung kulang pa ang mga iyan, mayroon kaming libu-libong missionary sa buong mundo na masisiyahang sabihin sa iyo ang lahat tungkol sa mga turo ni Jesucristo at kung paano kami binibigyang-inspirasyon ng mga ito araw-araw.