Ang mga missionary ay mga volunteer na isinantabi ang kanilang normal na buhay nang hanggang dalawang taon para tulungan ang iba na mas mapalapit kay Jesucristo. Bago magmisyon, sila ay mga estudyante, empleyado, atleta, mahilig magbasa ng mga aklat, musikero, at, hayan, may ideya ka na. Pagkatapos nilang maglingkod, uuwi na sila para tapusin ang pag-aaral sa kolehiyo, magtrabaho, makipagdeyt at mag-asawa, at mamuhay nang normal.

Nagmumula sila sa iba’t ibang panig ng mundo. Karaniwan na sa mga missionary ang maglingkod sa isang bansa at magsalita ng isa pang wika na hindi nila sariling wika. Ang mga missionary ay naglilingkod bilang mga young adult o kaya naman bilang mga retirado na single o mag-asawa. Anuman ang kanilang edad, taos-puso nila itong ginagawa—iniiwan nila ang kanilang mga tahanan at pamilya para gawin ang itinuro ni Jesus sa Kanyang mga Apostol: “Humayo kayo sa buong sanlibutan, at inyong ipangaral ang ebanghelyo sa lahat ng nilikha” (Marcos 16:15).

Wala. Ang ebanghelyo ni Jesucristo ay para sa lahat ng tao. Inaanyayahan Niya ang lahat na lumapit sa Kanya “nang walang salapi at walang halaga [o bayad]” (Isaias 55:1). Sa katunayan ang mga missionary ay nagbabayad para makita kayo, sariling gastos nila ang pagpunta sa misyon. Ang mga lokal na lider ng Simbahan at mga guro sa klase ay wala ring bayad.

Ang mga oras ng mga pulong sa Simbahan ay iba-iba ayon sa kongregasyon. Gayunman, maaasahan mong may isang pangunahing pulong ng pagsamba para sa lahat na susundan ng mga klase para sa mga bata, kabataan, at matatanda.

Ang pulong para sa lahat ay tinatawag na “sacrament meeting.” Ang pulong na ito ay may mga awitin, panalangin, at sermon (o “mga mensahe”) na ibinibigay ng iba’t ibang miyembro ng kongregasyon bawat linggo. Pero ang pinakamahalagang bahagi ng pulong na ito ay ang pagtanggap namin ng sakramento (na tulad ng Komunyon) upang alalahanin ang Tagapagligtas.