Pagiging Mas Malapit sa Diyos

Siya ang ating Ama. Nilikha Niya ang mundong ito at tayong lahat. Kilala at mahal ka Niya.

Ang Diyos ang ating Ama sa Langit

Ikaw ay anak ng Diyos. Dahil nananahan Siya sa langit, madalas nating tinatawag ang Diyos na Ama sa Langit. Sa Kanyang mga mata, tayo ay pantay-pantay at nararapat na mahalin at maging masaya. Dahil alam ng Diyos ang lahat, nauunawaan Niya ang bawat isa sa atin. Alam Niya ang ating personal na mga kakayahan, kahinaan, inaasam, at pangamba. Ang ating mapagmahal na Ama sa Langit ay mapagpasensiya at mapagpatawad. Sinuman tayo o anuman ang ating nagawa, nais ng Diyos na lumapit tayo sa Kanya upang matulungan Niya tayo. Sa paglapit natin sa kanya, mararanasan natin ang mas higit pang kaligayahan sa ating buhay.

Mga sister missionary na kausap ang isang lalaki

Gusto naming makipagkita sa iyo para pag-usapan pa ang tungkol sa Diyos

Makipagkita sa mga Missionary

Binabasbasan tayo ng Diyos sa napakaraming paraan

May patunay ng pagmamahal ng Diyos sa paligid natin. Matututuhan nating kilalanin ang kamay ng Diyos sa ating araw-araw na pamumuhay. Palagi tayong binibiyayaan ng Diyos, malaki man o maliit. Binigay Niya sa atin ang ating buhay, ating mga talento, at itong magadang mundo. Naglalagay din Siya ng mga tao sa ating buhay dahil alam Niya na kakailanganin natin sila para sa suporta, pagmamahal, at kaligayahan. Habang nadarama natin ang pagmamahal na iyon mula sa mga kaibigan, pamilya, o kahit sa mga estranghero, malalaman natin kung ano ang pakiramdam ng pagmamahal mula sa Diyos.

Ang pinakadakilang kaloob ng Diyos sa atin ay ang Kanyang Anak na si Jesucristo. Sa pamamagitan Niya, mapapatawad tayo at makababalik upang manahan kasama ng ating Ama sa Langit.

Pinapagaling ni Jesus ang isang lalaking bulag

Makakausap natin ang Diyos sa pamamagitan ng panalangin

Gaya ng paglapit natin sa ating mga magulang para humingi ng payo, maaari tayong lumapit sa Diyos para sa ating mga alalahanin, tanong, at pasasalamat. Pinakikinggan ng Diyos ang mga panalangin mo at sasagot Siya. Isa sa mga paraan na kinakausap Niya tayo ay sa pamamagitan ng Banal na Espiritu. Ang Espiritu ay tumutulong sa atin na makaramdam ng kapayapaan, sigla, kapanatagan, at katiyakan. Sa pamamagitan ng Espiritu Santo, malalaman natin na mahal tayo ng Diyos.

Pagsesentro ng Ating Buhay kay Jesucristo

Itinuro ni Jesus na ang Diyos, ang ating Ama sa Langit, ay nariyan para sa atin kapag lumapit tayo sa Kanya. Habang pinagtitibay natin ang ating ugnayan sa Diyos, magagamit natin ang Kanyang kapangyarihan upang tulungan tayong mapagtagumpayan ang ating mga hamon. Mauumpisahan mo ang pagkilala sa Diyos sa pamamagitan ng pagdarasal sa Kanya, pagbabasa sa Kanyang salita, pagsisimba, at paglilingkod sa iba.

Kongregasyon ng mga miyembro ng Simbahan

Maglalaan kami ng upuan para sa iyo

Humanap ng Simbahang Malapit sa Inyo

Mga Karaniwang Tanong

Naniniwala kami na lahat tayo ay mga anak ng Ama sa Langit. At bilang mabuti at mapagmahal na ama (sa katunayan, isang perpektong ama), nagmamalasakit Siya sa iyo. Kilala ka Niya—alam Niya ang iyong mga hamon, tagumpay, kakayahan, at ang iyong kamangha-manghang potensyal. Sa lahat nang iyon, mahal ka Niya. Sobra. Walang mas mahalaga sa Kanya kaysa sa iyong kaligayahan. Kaya gusto Niya na makilala mo Siya.

Kung naghahanap ka ng napakatibay na katunayang siyentipiko na mayroong Diyos, nais naming magmungkahi ng ibang paraan. Bawat isa sa atin ay maaaring makatanggap ng kaalaman na totoo ang Diyos, ngunit nangyayari ito sa pamamagitan ng malalim na personal na proseso ng paghahanap sa Diyos sa pamamagitan ng pag-aaral, paglilingkod, pagdarasal, at banal na inspirasyon. Kapag mayroon na tayong kaalaman na iyon, makikita natin ang patunay na mayroong Diyos saan man tayo tumingin—sa kalikasan, sa pang-araw-araw na pamumuhay natin, at sa mga sagot sa ating mga panalangin.

Sa Ang Simbahan ni Jesucristo ng mga Banal sa mga Huling Araw, tila walang titulo para sa Diyos ang mas hihigit pa kaysa sa Ama sa Langit. Ito ay dahil sa naniniwala kami na bawat tao ay may espiritu, at ang Diyos ang ama ng mga espiritung iyon. Tayo ay literal na mga anak Niya, at nais Niyang magkaroon ng kaugnayan sa atin. Ang ibang mga tawag sa Diyos (na nagmula sa wikang Hebreo) ay matatagpuan din sa Biblia—gaya ng Elohim, Yahweh, at Abba—na siyang paraan ng pagtawag ni Jesucristo sa Diyos nang magdasal Siya sa Halamanan ng Getsemani. Ano ang ibig sabihin ng Abba? Ama.

Nauna

Paano Magdasal

Susunod

Ang Layunin ng Buhay

Alamin ang Iba Pang Paksa

Pagsunod kay Jesucristo

Sino si Jesucristo? Si Jesus ang Tagapagligtas ng sanlibutan. Kapag sinusunod natin Siya, magkakaroon tayo ng higit na kapayapaan at kagalakan sa buhay.

Paano Magdasal

Mas madali ang pagdarasal kaysa inaakala mo. Nariyan ang Diyos at diringgin at sasagutin Niya ang iyong mga panalangin.

Ano Nga Ba Ang Itinuturo ng Banal na Biblia?

Itinuturo ng Banal na Biblia na sa kabuuan ng kasaysayan, hindi tumigil ang Diyos na mahalin ang Kanyang mga anak.

Ano ang Aklat ni Mormon?

Ang Aklat ni Mormon ay isa pang saksi ni Jesucristo.