Ano ang mga Templo?

Ang mga templo ay mga banal na lugar ng pagsamba kung saan mas mapapalapit tayo sa Diyos.

Buod ng mga banal na templo

1:36

Ang Bahay ng Panginoon

Ang mga templo ay literal na mga bahay ng Panginoon na itinayo dito sa mundo. Ang mga ito ay mga lugar kung saan ang mga indibiduwal ay maaaring gumawa ng mga sagradong pangako sa Diyos, madama ang kapayapaang hatid ng Espiritu, at maging kanlungan mula sa abala ng pang-araw-araw na buhay.

Kasaysayan ng Mga Templo

Mayroon nang mga templo mula pa noong unang panahon. Detalyadong inilarawan ng Biblia ang magandang templo ni Solomon. Si Moises ay mayroong tabernakulo. Si Jesus ay nagturo sa templo sa Jerusalem. Ngayon, mayroong mahigit sa 150 templo sa buong mundo, kung saan ang matatapat na miyembro ng Ang Simbahan ni Jesucristo ng mga Banal sa mga Huling Araw ay nagpupunta para sumamba, magnilay, at matuto pa tungkol sa plano ng kaligayahan ng Diyos.

Mga kabataang babae na naglalakad patungo ng templo

Alamin ang tungkol sa mga templo ngayon

Makipagkita sa mga Missionary

Ang mga pagpapala ng templo

Dahil ang templo ay ang Bahay ng Panginoon, madarama natin na talagang malapit tayo sa Diyos kapag bumisita tayo roon. Ang pakiramdam na ito ay makapagbibigay sa atin ng pag-asa kapag may mga pagsubok at patnubay kapag kailangan natin ng gabay sa ating buhay.

Sa templo ay matatanggap natin ang pinakadakilang mga pagpapalang maibibigay ng Diyos. Kapag ang magkasintahan ay ikinasal sa templo, sila ay pinag-iisa “para sa habang panahon at sa walang-hanggan” sa halip na “hanggang sa paghiwalayin tayo ng kamatayan [until death do us part].” Ang templo ay lugar kung saan mapaglilingkuran din natin ang ating mga ninuno at mga mahal sa buhay na namatay na. Ginagawa natin ito sa pamamagitan ng pagsasagawa ng mga seremonya (tulad ng binyag) para sa kanila kung hindi sila nagkaroon ng pagkakataong tanggapin ito noong nabubuhay pa sila.

Ang mga templo ay iba sa mga meetinghouse

Ang regular na mga pulong sa araw ng Linggo ay idinaraos tuwing linggo sa mga meetinghouse sa buong mundo, at ang mga bisita ay malugod na tinatanggap. Ang mga gusaling ito ay maaaring isang chapel o isang inuupahang espasyo sa isa pang gusali. Ano man ang anyo nito, ang mga meetinghouse ay isang lugar kung saan ang mga miyembro ng Simbahan ay nagtitipun-tipon para sa Sunday School, tumanggap ng sakramento (o Komunyon), at makinig sa mga mensahe. May mga aktibidad ring idinaraos sa ibang araw ng linggo, tulad ng mga youth group at sports.

Dalhin ang pamilya mo sa simbahan

Humanap ng Simbahang Malapit sa Inyo

Mga Karaniwang Tanong

Maraming tanong ang mga tao tungkol sa “mga Mormon,” o sa mas magalang na paraan, mga miyembro ng Ang Simbahan ni Jesucristo ng mga Banal sa mga Huling Araw. Magklik dito para makita ang buong listahan.

Itinuro ni Jesus na kailangan ang binyag para makapasok sa kaharian ng langit. Pero paano naman ang mga taong namatay nang hindi nabinyagan o hindi man lang nagkaroon ng pagkakataong makilala si Jesus? Paano sila maliligtas?

Buti na lang, mapagmahal ang Diyos at naglaan ng paraan para sa lahat na matanggap ang Kanyang mga biyaya—kahit pagkatapos ng kamatayan. Sa templo, ang pagbibinyag at iba pang mahahalagang ordenansa ay isinasagawa para sa mga namatay na hindi nagkaroon ng pagkakataong tanggapin ang mga ito. Nagturo si Apostol Pablo tungkol sa pagbibinyag ng mga patay sa Biblia (tingnan sa 1 Corinto 15:29) at patuloy na isinasagawa ito ng mga miyembro ng Ang Simbahan ni Jesucristo ng mga Banal sa mga Huling Araw sa mga templo ngayon.

Ganito iyon ginagawa: Sinasaliksik ng mga Banal sa mga Huling Araw ang kasaysayan ng kanilang pamilya upang tuklasin ang mga pangalan ng mga tao na namatay nang hindi nabibinyagan. Pagkatapos ay binibinyagan ang mga miyembro para sa kanilang mga ninuno sa templo. Ang paglilingkod na ito para sa iba ay inihahandog nang may pagmamahal—at dahil ang buhay ay nagpapatuloy pagkatapos ng kamatayan, ang lahat ng mga namatay ay malalaman ang tungkol sa mga ordenansa at makapipili kung tatanggapin nila ito o hindi.

Ang pamilya ay sentro sa plano ng Diyos para sa ating kaligayahan, at ang kasal ay sinadyang magtagal nang higit pa sa “hanggang paghiwalayin kayo ng kamatayan (until death do you part).” Sa templo, ang mag-asawa ay pinagbubuklod nang walang-hanggan. Ang seremonya ng kasal na ito ay tinatawag na “pagbubuklod” sa templo dahil ang mag-asawa ay pinag-iisang dibdib sa buhay na ito at sa kawalang-hanggan. Ang mag-asawa ay nanunumpang gagalangin at iibigin ang isa’t isa nang buong-buo at nangangakong susundin ang mga turo at halimbawa ni Jesus. Bilang ganti, pinapangakuan sila na ang kanilang kasal at ang kanilang pamilya ay magtatagal hanggang sa kabilang buhay.

Depende. Ang templo ay bukas lamang sa mga miyembro ng Simbahan na nagsikap ihanda ang kanilang sarili upang mas masulit ang karanasan sa templo. Ngunit kapag ang templo ay bagong tayo, at sa ilang espesyal na pagkakataon, nagsasagawa ng open house para sa publiko upang makalibot sila sa loob. Saka, maraming templo ang may mga visitors’ center at ang bakuran ng mga templo ay bukas sa lahat.

Nauna

Simbahan ni Jesucristo

Susunod

Maaari Mong Makasama ang Pamilya Mo sa Walang Hanggan

Alamin ang iba pang mga paksa

Ang Layunin ng Buhay

Ang buhay natin ay panahon upang umunlad, mamuhay sa pananampalataya, magkaroon ng kaligayahan, at maghandang makabalik sa piling ng Diyos.

Simbahan ni Jesucristo

Noong si Jesus ay nasa lupa, itinatag Niya ang Kanyang Simbahan. Ang mismong Simbahang iyon ay narito ngayon.

Pagbuo ng Isang Matatag na Pamilya

Ang Diyos ay lumikha ng mga pamilya para maging maligaya tayo, matuto sa isang kapaligirang may pagmamahalan, at sama-samang maghanda para sa buhay na walang hanggan.

Ano Nga Ba ang Itinuturo ng Banal na Biblia?

Itinuturo ng Banal na Biblia na sa kabuuan ng kasaysayan, hindi tumigil ang Diyos na mahalin ang Kanyang mga anak.