Simbahan ni Jesucristo

Noong nasa lupa si Jesus, itinatag Niya ang Kanyang Simbahan. Ang Simbahang iyon mismo ang naririto ngayon.

Drowing ng pagtuturo ni Cristo sa maraming tao

Nasaan ang Simbahan ni Jesus?

1:30

Si Jesus ay nagtatag ng isang simbahan

Isinugo ng Diyos si Jesus, hindi lamang para iligtas tayo mula sa kasalanan, kundi para magtatag din ng isang simbahan. Nang mamatay si Jesus, nag-iwan Siya ng higit pa sa makapangyarihang mga sermon at turo. Nag-iwan Siya ng mga Apostol, utos, at isang pangunahing organisasyon ng simbahan na magpapatuloy sa pagpapala sa iba sa loob ng matagal na panahon pagkatapos ng kamatayan Niya. Binigyan din Niya ang mabubuting mga lalaki ng priesthood, o ng kapangyarihan at awtoridad na kumilos sa Kanyang pangalan. Iyon din ang kapangyarihang ginamit ni Jesucristo mismo para pagalingin ang maysakit, buhayin ang patay, basbasan ang naghihirap, at hirangin ang mga tao para mamuno sa Kanyang Simbahan.

Tumalikod ang Simbahan sa katotohanan

Nang lumaki ang Simbahan, naharap ang mga Apostol sa lumalaking kaguluhan at di-pagkakasundo sa mga nananalig at marahas na oposisyon mula sa mga walang pananalig. Pinatay ang mga Apostol, at nagsimula ang di-pagkakasundo ng mga tao sa mga pangunahing turo ni Jesus. Nagsimulang magbuo ng iba’t ibang simbahan ang mga tao nang walang awtoridad ng Diyos para gawin iyon. Ang mga simbahang iyon ay magkakaibang lahat sa isa’t isa—at malayo sa orihinal na Simbahan ni Jesucristo.

Dahil dito, nagdanas ng malawakang apostasiya ang Kristiyanismo, o paglayo sa mga pangunahing paniniwala ng relihiyon. Ang tunay na Simbahan ayon sa pagkatatag dito ni Jesus ay hindi na matagpuan sa lupa. Ang awtoridad ng priesthood ng Diyos na kumilos sa Kanyang pangalan ay nawala, naging tiwali ang dalisay na mga alituntunin, at kakaunting bahagi lamang ng mga pangunahing katotohanan ng ebanghelyo ang natagpuan sa maraming simbahan.

Mga missionary na naglalakad sa lansangan

Alamin kung paano ipinanumbalik ni Jesus ang Kanyang Simbahan

Makipagkita sa mga Missionary

Ang Simbahan ni Jesucristo ay ipinanumbalik

Pagkaraan ng maraming siglo, tumawag ang Diyos at si Jesus ng isang bagong propeta, si Joseph Smith, para ipanumbalik ang Simbahan at lahat ng totoong turo nito.

Lumaki si Joseph sa abang sitwasyon sa Palmyra, New York. Maraming simbahan at pastor noon ang nagpapaligsahang makapagbinyag ng mga bagong kasapi sa lugar. Nalito si Joseph kung aling simbahan ang dapat niyang sapian dahil magkakaiba ang itinuturo nilang lahat. Nabasa niya ang isang talata sa Biblia na nagsabi na tanungin ang Diyos kung mayroon kang tanong, at sasagot Siya.

Ang batang si Joseph Smith na nababasa ng mga banal na kasulatan

Nagdesisyon si Joseph na magdasal. Nagtungo siya sa isang tagong lugar sa kakahuyan at lumuhod. Mapagpakumbaba siyang nagtanong sa Diyos sa panalangin kung aling simbahan ang dapat niyang sapian. Nagpakita sa kanya ang Diyos at si Jesus sa isang pangitain. Kalaunan, inilarawan ni Joseph ang sagradong karanasang ito:

“Ako ay nakakita ng isang haligi ng liwanag na tamang-tama sa tapat ng aking ulo, higit pa sa liwanag ng araw, na dahan-dahang bumaba hanggang sa ito ay pumalibot sa akin … Nang tumuon sa akin ang liwanag, nakakita ako ng dalawang Katauhan, na ang liwanag at kaluwalhatian ay hindi kayang maisalarawan, nakatayo sa hangin sa itaas ko. Ang isa sa kanila ay nagsalita sa akin, tinatawag ako sa aking pangalan, at nagsabi, itinuturo ang isa—Ito ang Aking Pinakamamahal na Anak. Pakinggan Siya!” (Joseph Smith—Kasaysayan 1:16–17).

Sinabi ng Diyos Ama at ng Kanyang Anak na si Jesucristo kay Joseph na huwag sumapi sa alinman sa umiiral na mga simbahan. Sinabi Nila sa kanya na sa pamamagitan niya, kalaunan ay ipanunumbalik ni Jesus ang Kanyang orihinal na Simbahan. Si Joseph Smith ay magiging propeta, tulad ng mga propeta sa Biblia noong unang panahon. Ibinigay sa kanya ang awtoridad ng priesthood na nawala, at kasama roon, ang kapangyarihang magbinyag, magpagaling ng maysakit, at tumawag ng mga Apostol at iba pang mga lider. Ang ipinanumbalik na Simbahan ay opisyal na inorganisa noong 1830.

Pinamumunuan ni Jesucristo ang Kanyang Simbahan sa pamamagitan ng mga propeta ngayon

Ang Simbahan ni Jesucristo ng mga Banal sa mga Huling Araw ang ipinanumbalik na Simbahan ni Jesucristo. Si Jesus talaga ang pinuno ng Kanyang Simbahan at ginagabayan tayo patungo sa Diyos sa pamamagitan ng isang propeta sa makabagong panahon.

Halina’t sambahin ang Tagapagligtas na si Jesucristo na kasama namin! Mapagpapala ka sa pag-aaral ng Kanyang mga turo sa mga banal na kasulatan at pakikinig sa sinabi Niya sa mga propeta at Apostol sa ating panahon. Madarama mo ang pagmamahal ng Diyos habang nakikilahok ka sa paglilingkod sa isa’t isa sa Simbahan ng Panginoon.

Kongregasyon ng mga miyembro ng simbahan

Lahat ay tanggap sa simbahan

Humanap ng Simbahang Malapit sa Inyo

Mga Karaniwang Tanong

Maraming tanong ang mga tao tungkol sa “mga Mormon,” o kung tatawagin sa paraang mas magalang, mga miyembro ng Ang Simbahan ni Jesucristo ng mga Banal sa mga Huling Araw. Mag-klik dito para makita ang buong listahan.

Parami nang parami ang mga taong tumatanggi sa ideya ng organisadong relihiyon at mas gustong maging espirituwal lang at subukang mamuhay nang mabuti. Pero kailangan ito pareho ng mga tao. Ang Simbahan ni Jesucristo ng mga Banal sa mga Huling Araw ay naglalaan ng istruktura at awtoridad ng priesthood na kailangan para matupad ang lahat ng utos ng Diyos, pati na ang pagpapabinyag at pagtanggap ng sakramento (o Komunyon). Dapat kang magsimba tuwing Linggo, habang nagsisikap ding maging espirituwal at maglingkod sa iba sa buong linggo.

Ang Simbahan ni Jesucristo ng mga Banal sa mga Huling Araw ay opisyal na itinatag sa Fayette, New York, noong 1830. Ang unang Pangulo ng Simbahan ay si Joseph Smith. Nagkaroon siya ng pangitain ni Jesucristo at ng Ama sa Langit at tinawag siya bilang propeta para ipanumbalik ang Simbahan ni Jesucristo. Tinanggap niya ang priesthood ng Diyos, isinalin ang Aklat ni Mormon, at isinugo ang mga missionary para ipangaral ang ebanghelyo sa buong North America at sa ibang bansa.

Lumipat ang headquarters ng Simbahan sa Ohio, Missouri, at Illinois para matakasan ang pag-uusig at makatagpo ng isang lugar na pagtitipunan ng mga miyembro nito. Dahil sa hinala at mga tunggalian sa lokal na pulitika, ikinulong nang labag sa batas ang propetang si Joseph Smith noong 1844 at pinatay ng armadong mga tao.

Si Brigham Young ang sumunod na naging Pangulo ng Simbahan. Inakay niya ang mga Banal patawid ng kapatagan ng Estados Unidos sa mga bagon na may takip patungo sa Rocky Mountains ng Utah. Mula noon, lumaki na nang husto ang Simbahan sa buong mundo. Ngayon, may mahigit 15 milyong miyembro sa 170 bansa sa buong mundo.

Ang unang hakbang kadalasan ay makipagkita sa mga missionary. Ituturo nila sa iyo ang mga pangunahing paniniwala at gawi ng Ang Simbahan ni Jesucristo ng mga Banal sa mga Huling Araw. Maaari din nilang masagot ang anuman sa iyong mga tanong tungkol sa Simbahan at ipaalam sa iyo kung ano ang inaasahan sa mga miyembro.

Dapat ka ring magsimulang dumalo sa mga miting ng pagsamba. Mahahanap mo ang kaligayahan na mapabilang sa isang samahan ng mga tao na nagmamalasakit sa isa’t isa at nagsisikap na tularan ang halimbawa ni Jesucristo.

Sa huli, kapag handa ka nang sumapi sa Simbahan, maaari kang magpasiyang magpabinyag at maging opisyal na miyembro. Maaari kang binyagan ng mga missionary o kaya naman ay ng isang taong nakilala mo sa simbahan.

Tulad ng Biblia, maraming manunulat ang Aklat ni Mormon. Ito ay isang koleksyon ng mga journal at kasaysayang ipinasa-pasa mula sa isang manunulat patungo sa isa pa sa loob ng halos 1,000 taon. Ang unang manunulat ay ang propetang si Nephi, na nilisan ang Jerusalem kasama ng kanyang pamilya noong 600 BC at naglayag patungo sa mga lupain ng Amerika. Ipinasa ni Nephi ang talaan sa kanyang nakababatang kapatid na lalaki, na ipinasa naman iyon sa kanyang anak na lalaki. Ibinigay ng bawat manunulat ang talaan sa isang taong pinagkakatiwalaan nila. Mormon ang pangalan ng propeta na tinipon ang lahat ng nakasulat sa iisang aklat, kaya ito tinatawag na Aklat ni Mormon.

Noong 1823, inakay si Joseph Smith sa mga sinaunang talaan at isinalin ang mga iyon sa pamamagitan ng kapangyarihan ng Diyos.

Nauna

Mga Alituntunin ng Ebanghelyo

Susunod

Ano ang mga Templo?

Alamin ang iba pang mga paksa

Ano ang Aklat ni Mormon?

Ang Aklat ni Mormon ay isa pang saksi ni Jesucristo.

Ano Ba Ang Simbahan?

Ang Simbahan ay isang kanlungan mula sa kaguluhan ng araw-araw na buhay; oras para magtuon sa pagsamba sa Diyos at pagmamahal sa ating kapwa.

Lahat ng Tungkol sa mga Missionary

Ang mga missionary ay nagbabahagi ng isang mensahe ng kaligayahan tungkol sa plano ng Diyos at sa banal na misyon ni Jesucristo.

Ano Nga Ba Ang Itinuturo ng Banal na Biblia?

Itinuturo ng Banal na Biblia na sa kabuuan ng kasaysayan, hindi tumigil ang Diyos na mahalin ang Kanyang mga anak.